पूर्वाञ्चल खबर
विराटनगर महानगरपालिका–६ को वडा अधिवेशनका क्रममा आज दिउँसो दुई पक्षबीच कुटाकुट भएको हो । कुटपिटमा संलग्न एक जनालाई प्रहरीले केही बेर नियन्त्रणमा लिएको थियो । पक्राउ पर्नेमा मुस्लिम कोटाका क्षेत्रिय प्रतिनिधिका उम्मेदवार विराटनगर – ६ का इरसाद अहमद रहेका छन् ।
भलबद्र सेवा समिति केसलियाको सभाहलमा मतदान भइरहेका बेला क्रममा विवाद भएको थियो । विवादका कारण केही समय रोकिएको मतदान प्रक्रिया पुन सुरु भएको छ ।
वडाको नेतृत्वका लागि राम ढकाल र प्रकाश मण्डल भोला प्यानल बनाएर चुनावी प्रतिस्पर्धामा छन् ।
यता नेपाली कांग्रेस मोरङ क्षेत्र नम्बर ६ का कार्यवहाक सभापति चुमनारायण तवदारले वडा अधिवेशन शान्तिपूर्ण रुपमा सञ्चालन भइरहेको दाबी गरे ।
