पूर्वाञ्चल खबर
कार्तिक २२ गते दिउँसो ३ बजेदेखि हात्तिमुढास्थित लिची बगैंचाबाट हराएका १४ वर्षीय बालक निश्चल राय सिंघीया खोलाको किनारमा आज मृत फेला परेका हुन् ।
घरदेखि एक किलोमिटर दुरीमा उनी मृत भेटिएका मोरङका प्रहरी उपरीक्षक जनार्दन जिसीले जानकारी दिएका छन् । घरबाट अचानक हराएका बालकको खोजीमा परिवारजन रहेको थियो । प्रहरीमा खबर गरेसँगै सामाजिक सञ्जाल तथा सार्वजनिक सञ्चारमाध्यममा बालक हराएको भन्दै हुलियासहित सूचना सम्प्रेषण गरिएको थियो ।
घटनापछि प्रहरीले अनुसन्धान सुरु गरिसकेको प्रहरी उपरीक्षक जिसीले जानकारी दिए ।
