पूर्वाञ्चल खबर
मंसिर २१,सिरहा/ सिरहाको लहानबाट मंगलबार ६ सय ७० थान लागूऔषध नाइट्रोसन सहित एक पक्राउ भएको छ ।
लहान ४ मा रहेको बिनोद यादवको घरमा डेरा गरी बसेका सिरहा गाढा गाविस २ का २२ वर्षिय तलेश्वर यादवको कोठाबाट सो परिमाणको लागूऔषध बरामद भएको हो ।
आज बिहान यादवको दुई तले पक्की घरको तल्लो तला भाडा लिई बसेका तलेश्वरको कोठाबाट खानतलासीका क्रममा लागूऔषध नाइट्रोसन ट्याब्लेट बरामद भएको इलाका प्रहरी कार्यालय लहान जनाएको हो ।
यादवको कोठाबाट नगद बाइस हजार तीन सय पच्चीस नेपाली रुपैया तथा भारु एक सय पचास रुपैया र एक थान मोवाइल फोनसमेत बरामद भएकोले उनी लागूऔषध बिक्रि बितरणमा संलग्न हुन सक्ने अनुमान गरिएको छ।
बरामद लागूऔषधसहित तलेश्वरलाई इलाका प्रहरी कार्यालय लहानमा राखि राखि थप अनुसन्धान भइरहेको छ।
