हिसान फुटबलतर्फ दुवै स्पर्धाको उपाधि विराटनगरको अर्किड कलेजलाई

विराटनगरको शहिद मैदानमा मंगलबार राती सम्पन्न भएको फुटबलतर्फको दुवै स्पर्धाको उपाधिे अर्किड कलेजले जितेको हो ।
पहिलो पटक हिसान खेल महोत्सवमा समावेश गरेको छात्रा फुटबलको फाइनलमा विराटनगरको अर्किड कलेजले पथरीको रेड स्टार कलेजलाई १–० को गोल अन्तरले पराजित गरि पहिलो उपाधि हात पारेको हो ।
अर्किडको जितमा समिक्षा आचार्यले एक मात्र निणार्यक गोल गरिन् । उनी फाइनल खेलको ओमेन अफ फाइनलसँगै उत्कृष्ट स्ट्राइकर र ओमेन अफ टुर्नामेन्ट समेत घोषण भइन् । त्यस्तै उत्कृष्ट गोल किपरमा अर्किडकी प्रियंका थन्दार र उत्कृष्ट मिडफिल्डर रेड स्टारकी प्रमिसा श्रेष्ठ घोषित भइन् ।

त्यस्तै छात्र फुटबलको फाइनलमा विराटनगरको अर्किड कलेजले नै पथरीकोे रेड स्टार कलेजलाई १–० को गोल अन्तरले पराजित गरि उपाधि हात पारेको हो ।
अर्किडको जितमा सन्दिप थापा मगरले एक मात्र निणार्यक गोल गरे । प्रतियोगिताको उत्कृष्ट मिडफिल्डर अर्किडका सन्दिप थापा मगर, उत्कृष्ट स्ट्राइकर अर्किडकै प्रनिल थापा मगर, उत्कृष्ट गोलकिपर अर्किडका पर्वत राजवंशी, उत्कृष्ट डिफेन्स रेड स्टारका भिशन राई र म्यान अफ टुर्नामेन्ट अर्किडका सागर विश्वकर्मा घोषित भए ।

माघ १० गतेदेखि शुरु भएको प्रतियोगिमा हिसानसँग आवद्ध २९ वटा कलेजहरुका १ हजार २ सय बढी विद्यार्थीहरुले सभागिता जनाउने भएका थिए ।

यसपटकदेखि स्पोर्टस् मिटमा छात्रा फुटबल र कवडी खेल सहभागि गराएको थियो । स्पोर्टस् मिटमा फुटबल (छात्र तथा छात्रा), क्रिकेट (छात्र), बास्केटबल (छात्र), कवडी(छात्र) भलिबल (छात्र तथा छात्रा), टेबलटेनिस सिंगल र डब्लस (छात्र÷छात्रा), एथलेक्टिसका खेलहरु भएका थिए ।

विजेता खेलाडी तथा अन्यलाई प्रमुख अतिथि कोशी प्रदेशका प्रदेश प्रमुख पर्शुराम खापुङ, विराटनगर महानगर पालिकाका प्रमुख नागेश कोइराला, हिसानको केन्द्रीय बरिष्ट उपाध्यक्ष यूवराज शर्मा, केन्द्रीय उपाध्यक्ष भेषराज पोखरेल। प्रदेश अध्यक्ष ज्ञानबहादुर खडका, प्रदेश सचिव दिेपेश बास्तोला र मोरङ अध्यक्ष अमित ढकाललगायतले पुरस्कार तथा ट्रफि वितरण गरे ।