नेतृत्वकर्ताहरु सत्ता र स्वार्थ केन्द्रित हुँदा देशपछि प¥यो : अध्यक्ष ओली

मध्यपहाडी लोकमार्ग यात्रा अन्तर्गत भोजपुरमा आयोजित कार्यक्रमलाई आज सम्बोधन गर्दै अध्यक्ष ओलीले यस्तो बताएका हुन् । उनले कुनै श्राप परेर नेपालपछि परेको नभई सत्ता स्वार्थ, स्वार्थमा मात्रै केन्द्रित भएर राजनीति, अर्थनीति, सामाजिक नीति र त्यसमै केन्द्रित भएको संस्कृति चलाएपछि देशको विकाश हुन नसकेको जिकिर गरे ।

अध्यक्ष ओलीले नेपाल गरिब हुनुको कारण सत्तासीनहरुको स्वार्थीपन, सत्ता स्वार्थ, लुटेरा प्रवृत्ति, आफू धनी हुने, जनता नहेर्ने, देश नहेर्ने, विकासमा रुची नहुनु र चासो नहुनु रहेको बताए । उनले उपयुक्त, दृष्टिकोण भएको, जनता र जनताका हीतहरुप्रति जवाफदेही सरकार बनेन भने देश गरिब हुने बताए ।