खबर पूर्वाञ्चल
लक्ष्मी पूजाको राति उर्लाबारी नगरपालिका–७ बरगाछीमा भएको आगलागी घटनाका घाइते स्थानीय ४९ वर्षीय हेमकुमार दाहाल र सोही स्थानका ४२ वर्षीय कुमार तामाङको उपचारको क्रममा मृत्यु भएको हो ।
उनीहरुको कीर्तिपुर वर्न अस्पतालमा उपचार भइरहेको थियो । यसअघि आगलागीमा परेर घाइते भएका उर्लाबारी–७ का ४३ वर्षीय तपन पण्डितको मंगलबार कीर्तिपुर वर्न अस्पतालमै मृत्यु भएको थियो ।
स्थानीय दीपक कार्कीले घरमै सञ्चालन गरेको स्नेहा सुनचाँदी पसलबाट लक्ष्मी पूजा दिन आगलागी भएको थियो। त्यतिबेला आगो निभाउन गएका ४ प्रहरी र २४ स्थानीयसहित २८ जना घाइते भएका थिए।
सो आगलागी घटनाका ६ जनाको कीर्तिपुर वर्न अस्पतालको आईसीयूमा उपचार भइरहेको प्रहरीले जनाएको छ ।
तपाईको प्रतिक्रिया