RUMPUM
animated ellipse animated ellipse

नेपाल आइसिसि टी–२० विश्वकपमा १० वर्ष पछि छनोट

KhabarPurwanchal-Logo

खबर पूर्वाञ्चल

१७ कार्तिक २०८०, शुक्रबार १३:४९
207
Shares
विराटनगर /सन् २०२४ को जुनमा वेष्टइन्डिज र अमेरिकाले सम्युक्तरुपमा आयोजना गर्ने आइसिसि टी–२० विश्वकपमा नेपाल छनोट भएको छ ।

काठमाण्डौको मूलपानी मैदानमा आइसिसि टी–२० विश्वकप छनोट खेलको सेमिफाइनलमा युएईलाई ८ विकेटले पराजित नेपाल १० वर्ष पछि टी–२० विश्वकपमा छनौट भएको हो ।

यसअघि नेपालले सन २०१४ मा बंगलादेशमा भएको टी–२० विश्वक खेलेको थियो । काठमाडौंमा भएको छनोट खेलबाट नेपालसँगै ओमान पनि छनोट भएको छ ।

मूलपानी मैदानमा युएईले दिएको १३५ रनको लक्ष्य पाएको नेपाल १७ दशमलव १ बलमा २ विकेट गुमाउँदै लक्ष्य भट्टाएको थियो । नेपालको जितमा आशिफ शेखले सर्वाधिक ६३ रन बनाए । उनले ५० बलमा २ छक्का र ६ चौका प्रहार गरे । त्यस्तै कप्तान रोहितकुमार पौडेल २१ बलमा १ छक्का र ३ चौका प्रहार गर्दै ३५ रनमा अविजित हुँदा गल्सन झा २२ रन र कुशल भुर्तेलले ११ रनमा आउट भए ।

युएईका बसिल हमिद र निलान्स केस्वानीले समान १–१ विकेट लिए ।

यस अघि टस जितेर पहिले ब्याटिङ गरेको युएईले निर्धारित २० ओभरमा ९ विकेट गुमाएर १३४ रनको सामान्य योगफल बनाएको हो ।

युएईका वृत्य अरविन्दले सर्वाधिकले ६४ रन बनाउँदा कप्तान महमद वसीमले २६ रन बताए ।

नेपालका कुशल मल्लले ३ विकेट लिए । उनले ३ ओभरमा ११ रन दिए । त्यस्तै सन्दिप लामिछानेले २ विकेट लिँदा कप्तान रोहितकुमार पौडेल र सोमपाल कामीले १–१ विकेट लिए ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर