विराटनगर / आदिवासी जनजाति आयोगको चौथो बार्षिक प्रतिवेदन आज कोशी प्रदेशका प्रदेश प्रमुख परशुराम खापुङलाई वुझाइएको छ ।
प्रदेश प्रमुख खापङलाई आयोगका अध्यक्ष रामबहादुर थापा मगरले नेपालको संविधानको धारा २९४ को उपधारा (३) बमोजिम आयोगको आर्थिक बर्ष २०७९/८० को बार्षिक प्रतिवेदन वुझाएका हुन् ।
प्रदेश प्रमुख खापुङले प्रतिवेदन बुझ्दै सङ्घीयतालाई बलियो आयोगको ठूलो भूमिका रहेको बताए । उनले हामीले मूलरुपमा मुलुकमा साम्रपदायिक सद्भाव, धार्मिक सहिष्णुता कायम राखि राष्ट्रिय एकतालाई बलियो बनाउनु पर्ने विचार व्यक्त्त गरे ।
आयोगका अध्यक्ष थापा मगरले प्रदेशका आदिवासी जनजाति समुदायको सार्वभौम अधिकार बार्ता र सम्बादको माध्यमवाट सम्वन्धन गर्न अनुरोध गरे । यसअघि प्रदेश प्रमुख खापङलाई थारु आयोग नेपालका सदस्य भोलाराम चौधरीले आयोगको पाँचौ बार्षिक( आर्थिक बर्ष २०७९/८०) प्रतिवेदन हस्तान्तरण गरेका थिए ।