पूर्वाञ्चल खबर
कोशी प्रदेशसभाको चौथो अधिवेशनको पहिलो बैठकमा बोल्दै थापाले मुख्यमन्त्रीको कुर्सी मात्र बदल्ने तिर नगएर सहमति सहकार्य गरेर अगाडी बढनुपर्ने बताएका हुन् । ‘कहिलेसम्म कुर्सीको खेलमा लाग्ने हो । हामीले गम्भिरताको साथ सोच्नुपर्ने बेला आएको छ,’ उनले भने, ‘मध्यावतीमा जान नदिनको लागि प्रदेश सभामा रहेको दलहरू मिल्नुको बिकल्प छैन । त्यसैले हामी सहमति, सहकार्य र समन्य गरेर अगाडी बढौं ।’
सरकार बनाउने होडबाजीको कुरा छोडेर सहमति सहकार्य र एकता गरेर अगाडी बढनुपर्ने उनलेब ताए । ‘हाम्रो रहर पनि पुरा भइसक्यो । कसरी यो प्रदेशलाई अगाडी बढाउन सकिन्छ त्यसतिर लाग्नुपर्नेछ । सबैले ठुलो छाती बनाम । प्रदेश र प्रदेशबासीको समस्या बुझौ र त्यसमा लागौं । त्यसको लागि नेपाली काँग्रेस तयार छ,’ पुर्वमुख्यमन्त्री थापाले भने, ‘अब मिलेर जानुको बिकल्प छैन ।’ दुई महिनामा दुइ पटक मुख्यमन्त्री भएर आफुले एउटा इतिहास बनाएको उनले बताए । ‘त्यसमा म गर्भ गर्छु । इतिहास रच्ने बेला भएको छ,’ उनले भने ।
