विराटनगर १२ घर भएका ५० वर्षीय ढकालले सोही ठाउँका १३ वर्षीय बालकलाई अप्राकृतिक मैथुन गरेको आरोपमा मोरङ प्रहरीले बुधवार साँझ पक्राउ गरेको हो ।
एजुकेसन हेल्पलाइनका समेत अध्यक्ष रहेका ढकालले ती बालकलाई पटक – पटक अप्राकृतिक मैथुन गरेको आरोप छ । ६ महिना अगाडी र १३ भदौमा घरमा कोही नभएको मौका छोपी ढकालले ती बालकलाई अप्राकृतिक मैथुन गरेको आरोप छ ।
उजुरी आएपछि नियन्त्रणमा लिएर अनुसन्धान सुरु गरिएको मोरङ प्रहरीका प्रवक्ता डिएसपी दीपक श्रेष्ठले जानकारी दिए । ‘उजुरी आएपछि नियन्त्रणमा लिएर अनुसन्धान सुरु गरेका छौँ,’ डिएसपी श्रेष्ठले भने, ‘अहिले अनुसन्धान भइरहेको छ । थप विषय पछि खुल्नेछ ।’
प्रहरीले आज ढकाललाई मोरङ अदालतमा म्याद थप गरी अनुसन्धान सुरु गर्ने तयारी गरेको छ ।
तपाईको प्रतिक्रिया