animated ellipse animated ellipse

निकास नहुँदा विराटनगर डुवान (फोटो फिचर)

KhabarPurwanchal-Logo

खबर पूर्वाञ्चल

९ आश्विन २०७७, शुक्रबार १९:१२
1.85k
Shares
विराटनगर / प्रदेश १ को राजधानी विराटनगर लगातार परेको वर्षाको कारण डुवानमा परेको छ । तीन दिनदेखि परेको वर्षाको कारण विशेष गरि विराटनगरको दक्षिणी भेग डुवानमा परेको हो ।

सामान्य वर्षा हुँदा पनि निकास नभएको कारण विराटनगर १५ को अधिकाशं घरमा पानी पसेको वडाअध्यक्ष असलम आलमले जानकारी दिए । ‘विराटनगरको उत्तरी भेगबाट आएको पानी १५ वडामा आएर जम्मा हुन्छ । अहिले दुई वटा मात्र साइफन रहेको छ । प्रयाप्त मात्रमा पानीको निकास हुने साइफन नहुँदा वडाभित्रका घरहरू डुवानमा पर्ने गरेको छ,’ वडाअध्यक्ष आलमले भने, ‘पानीको निकास हुने साइफन थप गर्न महानगरपालिका र सडक विभागलाई पनि जानकारी गराएको छु ।’ विराटनगर १५ को हुनमान मन्दिर आइसीपी जाने बाटो र प्राविधिको सल्लाह अनुसार तत्काल दुई ठाउँमा ‘साइफन’ बनाउने सडक विभागको डिनसँग सल्लाह भएको उनले बताए । विराटनगरको दक्षिण भेग डुवानमा परेपछि आज विराटनगर महानगरपालिका प्रमुख भीम पराजुली, मोरङका प्रमुख जिल्ला अधिकारी कोशहरी निरौलासहितको टोलीले निरीक्षण गरे ।

लगातार परेको वर्षाको कारण विराटनगर १२, १३, १४, १५, १६, १७ र १८ वडाका अधिकाशं घरमा पानी पसेर डुवान भएको छ । विराटनगरको दक्षिणी क्षेत्रका अधिकाशं बस्तीहरु डुबानमा परेका छन् भने बजार क्षेत्रमा पनि पानी जमेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर