खबर पूर्वाञ्चल
लहान घर भएका २२ वर्षीय कोरोना संक्रमित युवकको आज दिउँसो मृत्यु भएको हो । श्वासप्रश्वासमा समस्या देखिएका युवकमा आइतबार कोरोना पोजेटिभ देखिएको थियो ।
भदौ २ गते प्रतिष्ठानमा भर्ना गरिएका उनलाई कोरोना देखिएपछि कोभिड अस्पतालमा रेफर गरिएको थियो । उनलाई विस्तारै श्वासप्रश्वासमा समस्या देखिन थालेपनि भेन्टिलेटरमा राखेर उपचार भइरहेकोमा आज दिउँसो ३ बजे मृत्युु भएको प्रतिष्ठान प्रवक्ता डाक्टर निदेश सापकोटाले जानकारी दिए ।
मुटु रोगको समस्या भएका युवक लागूऔषध प्रयोगकर्ता रहेको प्रतिष्ठानले जनाएको छ । योसँगै प्रदेश १ मा कोरोनाबाट मृत्यु हुनेको संख्या २२ पुगेको छ । जसमा ५ जना प्रदेश २ का छन् भने ३ जना सुनसरीको धरानका र १४ जना मोरङका हुन् ।
