बाढीले बगाएर ल्याएको अवस्थामा विराटनगरको सिंघिया खोलामा शव भेटियो

खबर पूर्वाञ्चल, १५ असार २०७७, सोमबार १९:०३

विराटनगर / सिंघिया खोलामा आएको बाढीले बगाएर ल्याएको अवस्थामा विराटनगर ८ अशोकचौकमा शव भेटिएको छ ।

बाँस झ्याङ्गमा अडकाएको अवस्थामा आज एक जना पुरूषको शव फेला परेको हो ।
अशोक चौकमा स्थानिय बालवालिकाहरूले खोलामा बगेको शव देखेपछि स्थानियले प्रहरीलाई खबर गरेका थिए । हाटखोला प्रहरी चौकी र जिल्ला प्रहरी कार्यालय मोरङको प्रहरी टोली घटनास्थलमा पुगेर शव बाहिर निकालेको छ ।

गाढीएको शव बाढीले बगाएर ल्याएको हुन सक्ने आशंका गरिएको छ । यस विषयमा थप अनुसन्धान भइरहेको मोरङ प्रहरीले जनाएको छ । घटना स्थलमा जिल्ला प्रहरी कार्यालय मोरङका डिएसपी लोकर्दशन थापा, प्रहर िनिरिक्षक मिलन थापासहितको प्रहरी टोली पुगेको थियो ।

यस्तै गरि मोरङको कानेपोखरी गाउँपालिका –२ का ७३ बर्षीय बद्री चौधरीको पानी जमेको खाल्डोमा डुबेर मृत्यु भएको छ । आईतवार बेलुका ८ बजे देखि अचानक घरबाट निस्किएका बृद्ध आज बिहान ११ बजे घर नजिकै रहेको पानी जमेको खाल्डोमा डुबेर मृत अवस्थामा रहेको भनी आफन्तले प्रहरीलाई खबर गरेका थिए ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५