पूर्वाञ्चल खबर
विराटनगर / विराटनगरका समाजसेवी दिलिप धाडेवाले सञ्चालन गर्दै आएको १० रुपैयामा भेटभरी खाना अभियान स्थगित भएको छ ।
विश्वभर महामारीको रूप लिइरहेको कोरोना भाइरस (कोभिड–१९) का कारण विराटनगरमा केही समयअघिदेखि सञ्चालन हुँदै आएको दस रुपैयाँमा भरपेट खाना अभियान स्थगित भएको हो ।
दिलीपको अगुवाइमा विगत ७४ दिनदेखि जारी उक्त अभियान कोरोना भाइरसका कारण १ चैतदेखि अनिश्चितकालीन समयका स्थगित गरिएको धाडेवाले बताए ।
कोरोना भाइरसका फैलिरहेको अवस्थामा खाना खाने स्थानमा भिडभाड हुने भएका कारण हाल अर्को सुचना नहुन्जेल सम्म स्थगित गरिएको धाडेवाले जानकारी गराए ।
करिव साढे २ महिनासम्म सञ्चालन भएको अभियानमा ७० हजार भन्दा बढीले खाना खाएको धाडेवाले बताए ।
