हिमालय दर्शनको अभिमुखिकरण

कलेजले विभिन्न विषय अन्र्तगत भर्ना भएका नयाँ विद्यार्थीहरुलाई धनुकटाको हिलेमा लगेर अभिमुखिकरण गराएको हो ।

अभिमुखिकरण कार्यक्रममा विद्यार्थीहरुलाई मोटिभेट गर्न मोटिभेसन कक्षा समेत राखिएको थियो । कलेजमा शैक्षिक सत्र २०७६ मा भर्ना भएका वि.एस.सि. सिएसआइटि, वि.एच.एम, वि.आइ.एम तथा वि.सि.ए का ९२ जना विद्यार्थीलाई अभिमुखीकरणका साथै सृजनसिल हुन उत्पेरित गराएको हो ।
कलेज व्यावस्थापन विभाग प्रमुख भुपाल मिश्रले जानकारी दिए अनुसार, उक्त अभिमुखीकरण कार्यक्रममा प्रोफेसर डा. पिके झाले नेपालको आर्थिक विकासको व्यावस्थापकिय पक्षको बारेमा विद्यार्थीलाई जानकारी गराए । त्यसैगरी मोटिभेसन स्पीकर बसन्त अधिकारीले आफ्नो जीवनलाई कसरी उर्जासिल बनाइ अगाडी बढाउन सकिन्छ भन्ने विषयमा विद्यार्थीहरु बताए ।

त्यसैगरी नयाँ भर्ना भएका विद्यार्थीलाई कलेजका आईटी विभाग प्रमुख सुमित साहले सेमेस्टर पद्धतीमा आन्तरिक तथा वाह्य इभ्यालुएसनको बारेमा विद्यार्थी जानकारी गराए । विद्यार्थीहरुले फरक विषय बस्तु र नयाँ ठाँउको नया अनुभुती पाउन् भनेर विराटनगर बाहिर लगेर अभिमुखिकरण गराइएको कलेजका निर्देशक तथा संचालक भेषराज पोखरेलले जानकारी दिए । नयाँ भर्ना भएका विद्यार्थीहरुलाई एक आपसमा परिचयात्मक तथा अभिमुखिकरणको साथमा नयाँ ठाँउहरुको अवोलकन पनि गराएको पोखरेलले बताए ।

देशमा पर्यटन बर्ष २०२० मनाईरहदाँ कलेजले विद्यार्थीहरुलाई प्रदेश नम्बर एकको धनुकुटा जिल्लाको रमणीय स्थाल हिलेको भ्रमण गराईएको कलेजले जानाएको छ ।