विराटचौक–घिनाघाट प्रदेशकै नमूना सडक ः मुख्यमन्त्री राई

खबर पूर्वाञ्चल, २३ भाद्र २०७६, सोमबार २०:२०

विराटनगर / प्रदेश १ का मुख्यमन्त्री शेरधन राईले प्रदेश सरकारको लगानिमा बन्ने फोरलेनको सडक सुशानलाई कायम गरेर नमुना सडक हुने बताएका छन् ।

मोरङको नेताचौकमा मुख्यमन्त्री राईले आज विराटचौक–घिनाघाट सडकको शिलन्यास गर्दै यस्तो बताएका हुन् । उनले यति ठूलो लगानीमा बन्ने यो नै प्रदेशको पहिलो र नमूना सडक आयोजना भएको उनले बताए । मुख्यमन्त्री राईले ठेक्कामा लिने निर्माण व्यवसायीले नमूनाको रुपमा बनाएर समयावधिभन्दा अगाडि नै सरकारलाई सडक हस्तान्तरण गर्ने विश्वास व्यक्त गरे ।

२२ दशमलव ५ किलोमिटर लम्बाइ रहेको विराटनगर प्रवेश गर्ने यो सडकलाई कोशी राजमार्गको विकल्पको रुपमा हेरिएको छ । विराटचौक–घिनाघाट सडक प्रदेश सरकारको १ अर्ब ४० करोडको लगानी बन्न लागेको हो । २२ दशमलव ५ किलोमिटर सडकलाई ३ वटा प्याकेजमा विभाजन गरिएको छ । जसमध्ये २ वटा १०–१० किलोमिटरको सडक ठेक्कामा लागेको भएपनि बाँकी रहेको २ दशमलव ५ किलोमिटर सडकको भने ठेक्का लगाउने प्रक्रियामा रहेको मोरङको पूर्वाधार विकास कार्यालयका प्रमुख सुशील श्रेष्ठले जानकारी दिए ।

दुईवटा प्याकेजको ठेक्का भने गत असार ३१ गते सम्झौता भएको हो । सम्झौता अनुसार आगामि २०७८ साल असार मसान्तसम्ममा सडक निर्माण सम्पन्न गरेर सरकारलाई हस्तान्तरण गर्नुपर्ने छ ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५