पूर्वाञ्चल खबर
धरान / सुनसरीको धरान उपमहानगरपालिका ८ तीनकुनेबाट कारमा लुकाएर लैजादै गरेको लागुऔषध सहित २ जना पक्राउ परेका छन् ।
अस्थायी प्रहरी पोष्ट तीनकुनेबाट चेकिङमा खटिएको प्रहरीको टोलीले आईतबार राती १२ बजेको समयमा ईटहरीबाट धरानतर्फ आउदै गरेको को २ च १०२१ नम्बरको कारलाइ चेक जाँच गर्ने क्रममा धरान १५ का ३९ वर्षिय रुभिन श्रेष्ठ धरान २ का ५६ वर्षिय बनबरिलाल शर्माले लुकाइ छिपाई ल्याउदै गरेको अवैध लागुऔषध लाईलेक्स २८ बोतल फेला पारेको थियो ।
लागुऔषधसहित पक्राउ परेका दुवै जना र कारलाई ईलाका प्रहरी कार्यालय धरानमा ल्याई थप अनुसन्धान भईरहेको सुनसरी प्रहरीले जनाएको छ ।
