पूर्वाञ्चल खबर
लैङ्गिक हिंसा विरुद्धको १६ दिने अभियानका क्रममा खोटाङमा आएका मन्त्री घिमिरेले पुष्पलाल स्मृति भवन दिक्तेलमा आज आयोजित कार्यकर्ता भेटघाट कार्यक्रममा उनले केही समयपछि शुरु हुने हिउँदे अधिवेशनको शुरुमै प्रदेशको नाम र राजधानी टुङ्ग्याइने कार्यकर्तालाई आश्वस्त पारे । “प्रदेशको नाम सगरमाथा, कोशी, किराँत, लिम्बुवान जस्ता चर्चामा आएका छन् ।” उनले भने “राजधानीका विषयमा पनि विराटनगर, धरान, इटहरी र गोठगाउँको नाम आइरहेको छ । हिउँदे अधिवेशनमा सके सर्वसहमतिमा नसके विधि र प्रकृयाबाट नाम र राजधानी टुङ्ग्याउने छौँ ।”
कार्यक्रममा नेकपाका केन्द्रीय सदस्य एवं पूर्वसांसद दुर्गाजयन्ती राईले सरकारले जनताको अपेक्षानुसार लोक कल्याणकारी काम गर्न नसकेको भन्दै पार्टीको ध्यानाकर्षण गराए । रासस
