CLASSICTECH NET

‘हाइलाइफ’ चप्पल उद्योग र होटेल एसियाटिकमा श्रम शोषण

खबर पूर्वाञ्चल, ७ आश्विन २०७५, आईतवार १९:३३

विराटनगर / उद्योगी विकास चौधरीले मोरङको बुढीगंगा गाउँपालीका – ३ बाँसवारीमा सञ्चालनमा रहेको ‘हाइलाइफ’ चप्पल उद्योगमा व्यापक रुपमा श्रम शोषण हुने गरेको पाइएको छ ।

अनुगमनटोलीसँग श्रम ऐनले तोकेजतिको तलब नदिएको भन्दै आफनो गुनासो राख्दै मजदुर ।
करिब २ सय जना कार्यरत मजदुर रहेको उद्योगमा वर्षौदेखि श्रम शोषण गर्दै आएको अनुगमनको क्रममा फेला परेको हो । श्रम कार्यालय विराटनगर र मजदुरको हकहितमा लागि गर्दै आएको विभिन्न चार वटा टे«ड यूनियनले आज गरेको अनुगमनमा यस उद्योगले यहाँ कार्यरत कुनै पनि श्रमिकलाई श्रम सम्झौतासमेत नगराइ काममा लगाउँदै आएको पाइयो ।

उद्योगमा अनुगमन टोली आएको थाहा पाएपछि मेनेजर कौशल मण्डलले श्रमिकलाई एउटा कोठामा थुनेर राखेको थिए । श्रम शोषण गरेको पोल खुल्ने डरले करिब ५० जना भन्दा बढी श्रमिकलाई एउटा कोठामा थुनेर राखेको अनुगमनको क्रममा नेपाल समाजवादी टे«ड यूनियका केन्द्रीय उपाध्यक्ष तेजलाल कर्णले देखेका थिए । ‘पछि बुझदै जादा उद्योगले वर्षै देखि श्रम शोषण गरेको कुरा श्रमिकले अनुगनलाई भनिदिने डरले लुकाएको रहेछ,’ कर्णले भने ।’

चप्पल उद्योगले श्रमिकहरुको व्यापक रुपमा श्रम शोषण गर्ने गरेको फेला परेको श्रम कार्यालय विराटनगरका प्रमुख मणिनाथ गोपले बताए । श्रम कार्यालयले हाइलाइफ चप्पल उद्योगका मेनेजरसँग उद्योगमा कार्यरत कर्मचारीहरुको हाजिर खाता र तलवी भरपाइसमेत लिएको छ । ‘उद्योगमा अनुगमन गर्दा श्रम ऐन अनुसारको कार्यान्वयमा समस्या देखिएको छ,’ श्रम कार्यालयका प्रमुख मणिनाथ गोपाले भने, ‘१५ दिनभित्र सबै समस्याको हल गर्न निर्देशन दिएको छु ।’ श्रम ऐनले तोकेजति मजदुर तलब नदिए उद्योगनै बन्द गरिने उनले बताए ।

यस विषयमा उद्योगका संचालक विकास चौधरीसँग सम्पर्क गर्न खोज्दा उनी भारत भएकोले सम्पर्क हुन सकेन । अनुगमनमा नेपाल समाजवादी टे«ड यूनियन महासंघको केन्द्रीय उपाध्यक्ष तेजलाल कर्ण, जिफन्ट नेपालको प्रदेश अध्यक्ष किशोर धमला, अखिल नेपाल टे«ड युनियनका प्रदेश उपाध्यक्ष उपेन्द्र राय र नेपाल टे«ड यूनिय मोरङका अध्यक्ष शुशिल कोइरालको उपस्थीति रहेको थियो ।

त्यसैगरी विराटनगर एयर पोर्ट छेउमा रहेको पुन्य भट्टराईले होटेल एसियाटिकमा पनि आजै अनुगमन गरिएको थियो । अनुगमनकैक्रममा होटेलमा काम गर्ने अधिकान्स मजदुरलाई श्रम श्रोषण गरिएको पाएको जिफन्ट नेपालको प्रदेश अध्यक्ष किशोर धमलाले जानकारी लिए ।

ग्राहकबाट १० प्रतिशत सर्भिस चार्जबाट लिएको रकम समेत होटल सञ्चालकले होटलका मजद्रलाई नदिएको अध्यक्ष धमला बताए । होटलमा ३५ देखि ४० जना मजद्र कार्यरत रहेका छन् ।

तपाईको प्रतिक्रिया

biratnagar mahanagarpalika dasain
GREDED DASAIN
birat eye hospital
NEPAL BUSNESH COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५