पूर्वाञ्चल खबर
विषादी मिसाएको पानी पिएका कारणले १५ जना विद्यार्थी विद्यालयमै विरामी भएका थिए । पानी पिएर घरमा गइसकेका अन्य विद्यार्थीहरु पनि विरामी परेका हुन् । विद्यार्थीहरुमा पानी पिउनसाथ रिंगटा चल्ने, पेट पोल्ने, वान्ता हुने समस्या देखिएको थियो ।
विरामी भएका विद्यार्थीहरु जाँचका लागि स्वास्थ्य चौकीमा आइरहेकोले यो संख्या अझै बढ्नसक्ने प्रहरीले जनाएको छ । उनीहरुमध्ये खुश्बु मिश्र र सृष्टि निरौलालाई थप उपचारका लागि नोबेल अस्पताल विराटनगर ल्याइएको छ । बिरामी भएका विद्यार्थीहरु उर्लाबारीमा रहेको मंगलबार् अस्पतालमा उपचार भइरहेको स्कूलका प्रधानध्यापक खेमराज दुलाले जानकारी दिए ।
‘साइपर मेथिन १०’ नामक औषधी हालिएको खानेपानी पिउँदा विद्यार्थी बिरामी परेको प्रधानाध्यापक दुलाले बताए ।
बिषादी हालेको पानी पिउँदा कक्षा २ देखि १० सम्मका ३९ जना विद्यार्थीहरु बिरामी परेका हुन ।
सिकिस्त कक्षा ९ मा अध्यनरत खुष्बु मिश्र, कमला लिम्बू, कक्षा ८ मा अध्ययनरत सिष्टी निरौला र कक्षा ५ मा अध्ययनरत मनिष थापालाई मंगलबार नै बिराटनगर स्थीत नोबेल हस्पिटलमा रेफर गरिएको मंगलबारे अस्पतालका डा।धनबहादुर श्रेष्ठले बताए ।
भर्ना भएको अन्य विरामीहरु सामान्य उपचार पछि सबै ४ बजे घर फर्केका डा। श्रेष्ठले बताए ।
बिहान ११ बजे बिद्यार्थीहरुले सो ट्याङ्कीको पानी पिउने क्रममा गन्ध आएपछि शिक्षकहरुलाई खबर गरेका थिए । खानेपानी ट्याङ्कीको भित्र एक सय मिलिलिटरको साइपर मेथिन १० प्रतिशत नामक किटनाशक विषादीको बट्टा भेटिएको र त्यो कसले हाल्यो भन्ने विषमा अनुसन्धान भइरहेको इलाका प्रहरी कार्यालय लेटाङका प्रहरी निरीक्षक युवराज खतिवडाले जानकारी दिए ।
साइपर मेथिन १० प्रतिशत धानमा लगाउने विषादी हो । यो मानिसले खाएमा सिधै दिमागमा असर र छातीमा असर गर्नाले खतरानाक हो । बिहान ११ बजे बिद्यार्थीहरुले सो ट्याङ्कीको पानी पिउने क्रममा गन्ध आएपछि शिक्षकहरुलाई खबर गरेका थिए । त्यसपछि खानेपानी ट्याङ्कीमा हेर्दा एक सय मिलिलिटरको सायप्रिन नामक किटनाशक विषादीको बट्टा भेटिएको हो ।
खानेपानीमा कसले विषादी हाल्यो भन्ने विषमा अनुसन्धान भइरहेको मोरण् प्रहरीले जनाएको छ । घटनापछि विद्यालय अनिश्चितकालका लागि बन्द गरिएको छ ।
घटना भएपछि उपचारमा रहेको विरामीलाई भेट्न लेटाङ नगरपालिकाका मेयर शंखर राई र वडा नं. ९ का वडाध्यक्ष कृष्णप्रसाद लुईटेल प्राथमीक स्वास्थ केन्द्र मंगलबारे पुगेका थिए । घटनाको कडा छानबिन गरी दोषीलाई कडा भन्दा कडा कारबाही गर्ने मेयर राईले बताए ।
