इंग्ल्याण्डलाई पराजित गर्दै बेल्जियम हात पार्‍यो तेस्रो स्थान

खबर पूर्वाञ्चल, ३० असार २०७५, शनिबार २१:४५

विराटनगर / सन १९६६ को विश्व विजेता इंग्ल्याण्डलाई पराजित गर्दै बेल्जियम विश्वकप फुटबल–२०१८ मा तेस्रो बनेको छ ।

आज भएको प्लेअफ खेलमा बेल्जियमले इंग्ल्याण्डलाई २–० गोल अन्तरले पराजित गरेको हो । सम्रह चरणको खेलमा पनि बेल्जियमले इंग्ल्याण्डलाई १–० गोल अज्तरले पराजित गरेको थियो ।

फाइनल पुग्न चुकेपनि बेल्जिमयले विश्वकप इतिहासमा हात पारेको यो नै अहिलेसम्मकै ठूलो सफलता हो । यसअघि सन् १९८६ मा पनि सेमिफाइनलमा पुगेको बेल्जियम चौथो स्थानमै चित्त बुझाएको थियो ।
सेमिफाइनलमा बेल्जियम फ्रान्ससँग र इंग्ल्यान्ड क्रोएसियासँग पराजित भएपछि दुवै टिम फाइनलमा पुग्न चुकेका थियो । क्रोएसिया र फ्रान्सबीच आइतबार उपाधिका लागि भिडन्त हुनेछ ।

सेन्ट पिटर्सबर्गमा भएको खेलमा बेल्जियमले चौथो मिनेटमा नै थोमस मुनिरको गोलबाट अगता लिएको थियो । उनले नासेर चाड्लीको क्रसको सदुपयोग गर्दै गोल गरेका थिए । यो सँगै उनी जारी विश्वकपमा गोल गर्ने दशौं बेल्जियन खेलाडी बने । यसअघि सन् १९८२ मा फ्रान्स र २००६ मा इटालीका १० खेलाडीले एउटै विश्वकपमा गोल गरेका थिए । प्रभावशाली प्रदर्शन गरेका इडेन हर्जाडले ८२ औं मिनेटमा गोल गर्दै जित सुनिश्चित गरे ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५