पत्रकार गिरीमाथी भएको आक्रमणको प्रेस युनियन मोरङद्वारा भत्र्सना

खबर पूर्वाञ्चल, २० जेष्ठ २०७५, आईतवार १६:०६

विराटनगर / नेपाल प्रेस युनियन मोरङका कोषाध्यक्ष दिनेश गिरीमाथि भएको आक्रमणको नेपाल प्रेस युनियन मोरङले घोर भत्र्सना गरेको छ ।

आज विज्ञप्ति निकालेर युनियनले आक्रमणमा संलग्नलाई तत्काल पक्राउ गरी कारबाही गर्न प्रशासनसित माग समेत गरेको छ । युनियन मोरङका अध्यक्ष मीनकुमार नवोदितले विज्ञप्ति प्रकाशित गरी आक्रमणमा संलग्न सबैलाई कानुनी कठघरामा नउभ्याए सशक्त आन्दोलन गर्ने चेतावनीसमेत दिएका छन् । साथै विज्ञप्तिमा शान्ति सुरक्षाको प्रत्याभूति दिलाउनसमेत माग गरेको छ । “आक्रमणमा संलग्न सबैलाई तत्काल पक्राउ गरी कारबाही गर्न जोडदार माग गर्दछौं,” विज्ञप्तिमा भनिएको छ ।

गिरीमाथि शनिबार राति घरमै पुगेर आक्रमण भएको थियो । पत्रकार भोजराज बस्नेतका अनुसार जगेन गुरुङ, चित्र थापा र विशाल थापाको समूहले गिरीलाई आक्रमण गरेको थियो । आक्रमणबाट गिरीको टाउकोमा गहिरो चोट लागेको छ । यसै विच पत्रकार महासंघ मोरङका अध्यक्ष बन्धु पोखरेलले विज्ञप्ति निकालेर पत्रकार गिरी माथी आक्रामण गर्ने सवैलाई पक्राउ गरी कानुनी कारवाहीको माग गरेका छन् । विज्ञप्तिमा भनीएको छ समाजमा जुनसुकै आवरण देखा पर्ने मुनाफाखोर, दलाल, भष्ट्र र आवारा गुण्डाहरुको डटेर मुकावला गर्न सवेलाई अनुरोध गरीएको छ ।

तपाईको प्रतिक्रिया

खबर पुर्वान्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५