पूर्वाञ्चल खबर
गायक मितेरीकै शब्द अनि संगीतमा रहेको उक्त गीत आज सार्वजनिक गरिएको हो । पछिल्लो समय जापानमा बस्दै आएका उनले नेपाल आएको अवसर पारेर गीतको स्टुडियो भिडियो छायाकंन गराएका हुन् । इटहरीको कोशी भिजनमा छायाकंन गरिएकोे भिडियोमा गायक मन्जुललाई गीत गाउँदै गरेको भेटिन्छ ।
विदेशी भूमीमा पसिनाको धारा बगाईरहेका तमाम नेपालीका दुःख, वेदनालाई आत्मसाथ गर्दै आफू नेपाल रहदाँ नै गीतको रचना गरेको मितेरीले बताए ।
देशभक्तिले ओतप्रोत गीतमा विदेशमा रहेका नेपालीलाई स्वदेशमा पनि पसिना बगाए मोती फुलाउन सकिने प्रेरणा दिएका छन् । विश्वका जुनसुकै देशमा पुगेपनि नेपालीलाई आफ्नो देश नेपाल नै प्यारो लाग्ने भाव गीतमा रहेको छ ।
विगत २ वर्षदेखि जापानमा रहेर विश्वकै ठूलो बुद्धको मुर्ति निर्माणमा जुटिरहेका मितेरी मूर्तिकलासँगै साहित्यमा पनि सक्रिय छन् । उनले अर्काको देशमा पुस्तकसमेत प्रकाशन गरिसकेका छन् ।
