डेढ करोडको भवन चुहियो

विराटनगर, ३ जेठ /लायन्स क्लब इन्टरनेसनलले झण्डै डेढ करोड रुपैया“को लागतमा निर्माण गरेको भनिएको विराटेश्वर बृद्धाश्रमको भवन निर्माण सम्पन भएको केही समयपछि नै पानी चुहिइन थालेको छ ।

लायन्स क्लब अन्तर्राष्ट्रियको एक लाख डलर र लायन्स क्लब अफ विराटनगर सेन्ट्रल र लायन्स क्लब अफ विराटनगर शुभम् लियोनेसको संयुक्त ५० हजार डलर लगानीमा निर्माण गरिएको विराटेश्वर वृद्धाश्रमको भवन बर्खा नलाग्दै चुहिइन थालेको हो ।

भवन चुहिएपछि हतारहतार छत पुनः खोतलेर मर्मत सुरु गरिएको छ । आश्रमअगाडि राखिएको बोर्डमा उल्लेख भएअनुसार एक करोड ५० लाख नेपाली रुपैया“ लागतमा निर्माण गरिएको १४ कोठाको एक तल्ले भवन चुहिइन सुरु गरेको थियो । भवन चुहिएपछि ठेकेदारले मर्मत गरी टालेको छ ।

सेवाभावले सामाजिक क्षेत्रमा काम गर्दै आएको परोपकारी संस्थाले बनाएको भवन नै चुहिएपछि निर्माणमा भ्रष्टाचार भएको हुन सक्ने लायन्स निकट स्रोतले नै जानकारी दिएको छ । बृद्धाश्रमका सञ्चालक जगत अर्याललाई निर्माण समितिमा नराखी बनाइएको भवन निर्माण क्रममा गरिएको हेलचेक्राईकै कारण चुहिइन थालेको लायन्सका एक सदस्यले बताए । उनले आर्थिक चलखेलका कारण निर्माणमा कार्यमा थुप्रै खोट भएको बताएका छन् ।

विराटेश्वर वृद्धाश्रमका सञ्चालक अर्याल पनि लायन्सले निर्माण गरेको भवन चुहिएको स्वीकार गर्छन् । ‘भवन चुहिएपछि सम्बन्धित संस्थाका मान्छेलाई खबर ग¥यांै’ उनले भने ‘पछि चुहिएको स्थानमा मर्मत गरिदिए ।’

लायन्स क्लबले निर्माण गरेको भवन गत असोज १२ गते उद्घाटन गरिएको थियो । उद्घाटनपश्चात बृद्धाहरूलाई नवनिर्मित भवनमा राखिएको छ । १४ कोठे भवनमा ५४ वटा बेडहरू छन् । जुन लायन्स क्लबको पहलमा राखिएको हो । भवन टालिएपछि भने पानी चुहिन छाडेको अर्यालले बताए । तर, टालटुलले मूख्य बर्खायाम थेग्ने वा नथेग्ने आशंका नै रहेको छ ।

लायन्स क्लब अफ डिस्ट्रिक्स ३२५ ए वानको गर्भनरमा विराटनगरका भीम घिमिरे निर्वाचित भएपछि उनको पहलमा आश्रमका लागि लायन्स क्लब इन्टरनेसनले एक लाख डलर दिएको थियो । ‘बृद्धाश्रम मेरो ड्रिम प्रोजेक्ट थियो’, लायन्स क्लबका पूर्वगभर्नर घिमिरेले भने,‘मेरो पालामा योजना स्वीकृत भएपछि त्यसपछिका गभर्नर सुनिलभक्त श्रेष्ठको पालामा भवन निर्माण भएको हो ।’ बृद्धाश्रमको भवन चुहिएको बारे आपूmलाई पनि जानकारी आएको बताउ“दै उनले निर्माण कार्यमा आपूm संलग्न नभएको बताए ।

बृद्धाश्रम भवन निर्माणका लागि सक्रिय रुपमा लागेका लायन्स क्लब अफ डिस्ट्रिक्ट ३२५ ए वानका गर्भनर लीला ढुंगेल लायन्स क्लबको सक्रियतामा निर्माण गरिएको भवनमा कुनै समस्या नरहेको बताउ“छन् । ‘हामी आफै सक्रिय भएर काम गरेका हौं’ उनले भने,‘ निर्माणका बेला सामान्य ‘सिपेज’ भएर चुहिएको थियो,पछि टालियो ।’
साभार उदघोष दैनिक