कोशी कोभिड उपचार केन्द्रमा गम्भिर खालका विरामी मात्र भर्ना लिर्दै

खबर पूर्वाञ्चल, २१ बैशाख २०७८, मंगलवार १६:१४

विराटनगर / विराटनगरमा प्रदेश १ सरकारले सञ्चालनमा ल्याएकोे कोशी कोभिड उपचार केन्द्रमा अक्सिजन आवश्यक पर्ने गम्भिर खालका विरामी मात्र भर्ना लिने गरेको छ । जसको कारण आजसम्म ५३ बेड खाली छ ।

२१ वटा भेन्टिलेरसहितको आइसियू र ८३ वटा अक्सिजनसहितको बेड गरि ९६ शैय्याको अस्पतालमा आज दिउँसोसम्म ४३ जना संक्रमितको उपचार भइरहेको केन्द्रका प्रमुख बैजनाथ साहले जानकारी दिए । भर्ना भएका मध्ये १६ जना भेन्टिलेटरसहितको आइसियूमा रहेका छन् । २७ एचडीयूमा छन् ।

८० बेडको कोरोना उपचार केन्द्र भने ममर्तका लागि भन्दै प्रदेश सरकारले बन्द गरेको छ । बिरामी भर्ना भएका उपचार केन्द्रमा पनि बिरामीको चाप बढेकाले बेड भरिन समय नलाग्ने उनले बताए । ‘संक्रमित बिरामीको संख्या बढदै गएको छ,’ साह भने, ‘अस्पताल आउने अधिकांश अक्सिजन लेभल कम भएका बिरामी छन् ।’

संक्रमितको संख्या बढदै गएकोले प्रदेश १ सरकारले ८० बेडको कोरोना उपचार केन्द्र पनि अक्सिजनसहितको अस्पतालमा ल्याउने तयारी गरिएको साहले बताए । ‘अहिले मर्मत सम्भार भइरहेको छ,’ उनले भने, ‘यस अघि पनि ३० शैय्याको अक्सिजनको सहितको वेड रहेको थियो । बाँकी रहेको ५० बेडमा पनि अक्सिजनसहति सञ्चालन गर्ने तयारी गरिएको छ,’ उनले भने ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

pabson Brt

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५