खबर पूर्वाञ्चल
विराटनगर महानगरपालिका–३ घर भएकी उनको उपचारका क्रममा उपचार केन्द्रमा बिहान २ बजेतिर मृत्यु भएको केन्द्रका व्यवस्थापक ज्ञानबहादुर बस्नेतले बताए । कोरोना पुष्टि भएसँगै स्वास्थ्य अवस्था खराब बनेकी उनलाई असोज ११ गते आइसोलेसनमा भर्ना गरेर उपचार थालिएको जानकारी बस्नेतले दिए । गम्भीर अवस्थामा आइसोलेसनमा भर्ना गरेर तत्काल उपचार थालिए पनि वृद्धाको उपचार सफल हुन नसकेको केन्द्रका प्रमुख एवं बरिष्ठ फिजिसियन डा. दीपक सिग्देलले बताए ।
डा. दीपक सिग्देलका अनुसार वृद्धालाई पछिल्लो समय श्वासप्रश्वासको समस्या बढेको थियो भने शरीरमा अक्सिजनको मात्रा कम थियो । मृतकमा दम र खोकीको पुरानो समस्या रहेको डा.सिग्देलले बताए ।
विराटनगर ठेगाना लेखाएर भर्ना भएकी महिलाको घर भने झापाको दमक ७ रहेको आफन्तले जानकारी दिएका छन ।
