सुरक्षाकर्मीलाई नेकपाद्वारा एक सय थान (पिपीई) प्रदान

खबर पूर्वाञ्चल, ५ बैशाख २०७७, शुक्रबार १९:१९

विराटनगर / मोरङमा कार्यरत सुरक्षाकर्मीहरुलाई कोभिड–१९ को सङक्रणबाट बचाउनका लागि नेपाल कम्यूनिस्ट पार्टी(नेकपा) मोरङले आज व्यक्तिगत सुरक्षा उपकरण (पिपीई) प्रदान गरेको छ ।

जिल्ला दैवीप्रकोप उद्धार समितिका अध्यक्ष एवं मोरङका प्रमुख जिल्ला अधिकारी मदन भुजेललाई नेकपा मोरङका अध्यक्ष ऋषिकेश पोखरेलले एक सय थान पिपीई हस्तान्तरण गरे ।

प्रदान गरिएका पिपीईमा ५० थान सशस्त्र प्रहरी र ५० थान नेपाल प्रहरीमा अगाडि क्षेत्रमा कार्यरतहरुलाई सुरक्षाका लागि वितरण गरिने छ । सो अवसरमा प्रजिअ भुजेलले लकडाउन कार्यान्वयन गर्न २४ घण्टा कार्य गर्ने सुरक्षाकर्मीहरुलाई सङक्रमण सुरक्षित बनाउन उपकरणले सहयोग पुग्ने विश्वास व्यक्त गरे ।

नेकपाका जिल्ला अध्यक्ष पोखरेलले उच्च जोखिममा रही कार्य गर्नु परेका सुरक्षाकमीलाई पिपीई सहयोग गर्न पाएकोमा खुशी व्यक्त गर्दै पार्टीमा रहेका साथीहरुको क्रियाशिलताबाट सहयोग सम्भव भएको र आगामी दिनमा थप सुरक्षाका उपकरण प्रदान गर्ने समेत बताए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५