पूर्वाञ्चल खबर
पत्रकार सम्मेलनमा उपस्थित कान्तिपुर दैनिकका पत्रकार सुरेशराज न्यौपानेले सन्दीप पहिलो रोजाइमा पर्ने सम्भावनाबारे प्रश्न गरेका थिए । जवाफमा पोन्टिङले सन्दीप क्षमतावान् यूवा तथा प्रतिभावान स्पिनर रहेको बताए ।
सन्दीपले दिनभर अभ्यास गरेको र आफुलाई निखार्दै लगेको पोन्टिङको भनाइ छ ।’उनी हाम्रो टिमको राम्रा बलर हुन् । यदि कोहि खेल्न नसक्ने भएमा उनी सहि विकल्प हुन सक्छन्, ’ पोन्टिङले भने । सन्दीप चाहिएको बेला उचित वलिङ गर्ने खेलाडि भएकाले टिममा रहेका सवै खेलाडी जस्तै उनी पहिलो रोजाइमा पर्ने सक्ने सम्भावना रहेको पोन्टिङको भनाई छ ।
सन्दीपको टिम दिल्लीले पहिलो खेल आइतबार किंग्स इलावेन पञ्जावसँग खेल्नेछ। पञ्जावको घरेलु मैदानमा हुने खेल दिउँसो साढे ४ बजे सुरु हुनेछ । एजेन्सी
