खबर पूर्वाञ्चल
२० फाल्गुन २०७३, शुक्रबार २०:१७
बलिउडमा सफलताको खुड्किलो चढिरहेकी सन्नी लियोनीले अर्को एउटा सुन्दर अवसर पाएकी छिन् । उनले प्रख्यात गायक जस्टिन बिबरसँग स्टेज सेयर गर्ने मौका पाएकी हुन् ।
जस्टिनले १० मेका दिन मुम्बईमा एउटा कन्सर्ट गर्दैछन् । यस कन्सर्टको तयारी जोडतोडले चलिरहेको छ । अब यस कन्सर्टलाई अझै रोमाञ्चक बनाउन आयोजकले यसमा मसला थप्ने कोशिश गरेका छन् ।
समाचार अनुसार यस कन्सर्टमा बलिउड अभिनेत्री सन्नीले जस्टिनको गीतमा नाच्नेछिन् । आलिया भट्ट, वरुण धवन र सिद्धार्थ मल्होत्रा पछि यो कन्सर्टमा सन्नीको नाम जोडिएको हो ।
यो निर्णय यसकारण गरिएको हो कि सन्नी भारतमा मात्र नभएर विदेशमा पनि चिनिएकी छिन् । जस्टिनको पर्पज वल्र्ड टुर मुम्बईको डीवाई पाटिल स्टेडियममा हुनेछ । बलिउड कलाकारका साथमा क्रिकेटरहरुलाई पनि यस कार्यक्रममा जोड्ने प्रयास भइरहेको छ । यस कन्सर्टमा ठूलो भिड जम्मा गरिने आयोजकको दावी छ । यसको टिकट चार हजार रुपैयाँबाट सुरु हुन्छ । अनलाइनखबर
यो खबर पढेर तपाईलाई कस्तो महसुस भयो ?
तपाईको प्रतिक्रिया