खबर पूर्वाञ्चल
परिवारको सदस्यमाथि नै सांघातिक आक्रमण गरेर घाइते बनाएको भन्दै जहदा गापा – ४ का रामेश्वर महतोले विराटनगरमा आज पत्रकार सम्मेलन गरी कारबाही गर्न माग गरेका हुन् ।
यादवले फागुन १८ गते शुक्रबार होलीका दिन मदिरा सेवन गरी महतका २० वर्षिय छोरा सञ्जय, श्रीमती र छोरीमाथि खुकुरी प्रहार गरी आक्रमण गरेर परीवारको सदस्य घाइते भएको आरोप लगाएका छन् । आक्रमण गर्ने यादवलाई प्रहरीले एक दिन हिरासतमा राखेर भोली पल्ट कुनै कारबाही नै नगरी छोडेको भन्दै पीडित परिवारले कारबाही गर्न माग राख्दै पत्रकार सम्मेलन गर्नु परेको उनीहरुको भनाई छ ।
‘यादवले खुकुरी प्रहार गरी छोराको टाउँको, हातमा गम्भीर चोट लागेको छ,’ रामेश्वरले पत्रकार सम्मेलन भने, ‘मोरङ प्रहरीमा जाहेरी दिइ पनि आक्रमण गर्नेमाथि कुनै कारबाही भएको छैन् । अहिले गाउँमा साह खुल्ले हाम हिड्ने गर्दछ ।’ परीवारको सदस्यलाई कोशी अञ्चल अस्पतालमा उपचार गरेपछि अहिले अलिक ठीक भएको रामेश्वरको भनाई छ ।
यता जिल्ला प्रहरी कार्यालय मोरङका प्रहरी प्रमुख एसपी अरुणकुमार बिसीले यसबारे पीडितको मोरङ प्रहरीमा कुनै जाहेरी नआएको बताए । ‘प्रहरी यूनिटमा घटनाको विषयमा बुझनेछु,’ उनले भने ।
तपाईको प्रतिक्रिया