शुक्रवार प्रधानमन्त्री प्रचण्ड विराटनगर आउने

खबर पुर्वान्चल, २५ कार्तिक २०७३, बिहीबार

विराटनगर २५ कार्तिक/ प्रधानमन्त्रि प्रचण्डले पूर्व क्षेत्रको उद्योग व्यवसायमा रहेका समस्याहरु समाधानकालागि शुक्रवार विराटनगरमा उद्योगी व्यवसायिहरुसंग अन्तरक्रिया गर्नुहुने भएको छ ।

उद्योग संगठन मोरङ र मोरङ व्यापार संघको संयुक्त आयोजनामा हुने अन्तरक्रियामा यस क्षेत्रका सबै उद्योगी व्यवसायिहरुले समाधानका उपयुक्त विकल्पसहित सुझावहरु प्रस्तुत गर्ने कार्यक्रम रहेको छ ।

विहान साढे ९ बजेदेखि मोरङ व्यापार संघको सभाहलमा सुरु हुने अन्तरक्रिया करिव तीन घण्टा चल्ने छ । उद्योगी व्यवसायिहरुको प्रतिनिधिमुलक सुझाव सुनेपछि प्रधानमन्त्रिले सम्वोधन गर्ने कार्यक्रम रहेको संघका वरिष्ठ उपाध्यक्ष राजेन्द्र राउतले जानकारी दिनुभयो ।

प्रधानमन्त्रि प्रचण्ड भोली विहान साढे ७ बजे हेलिकोप्टरबाट विराटनगरमा आउने कार्यक्रम छ । विहान उहाँले क्षेत्रीय प्रहरी कार्यालयको निरीक्षण गर्नुहुने छ भने त्यसपछि विराटनगर जुटमिलको वर्तमान अवस्थाको पूर्वाधार निरीक्षण गर्ने कार्यक्रम छ ।

अन्तरक्रिया पछि उहाँले भोली नै सुरक्षा निकायका प्रमुख तथा कार्यालय प्रमुखहरुलाई निर्देशन दिने कार्यक्रम रहेको छ । उहाँ भोली १ बजे सिराहामा कार्यकर्ता भेटघाटकालागि जाने कार्यक्रम रहेको प्रधानमन्त्रि कार्यालयले जानकारी दिएको छ ।

तपाईको प्रतिक्रिया

खबर पुर्वान्चल

बिराटनगर, नेपाल

सम्पर्क: ०२१-५२४५८४

इमेल: mail@khabarpurwanchal.com

Khabarpurwanchal is Leading News Company In Eastern Development Region Of Nepal, Providing Up to date Local as well as country crunch News.